ليه الناس بطلت تضحك يا ريس انا كنت فاكر انى انا بس اللى مبضحكش طلعت الناس كلها مبتضحكش انا اسف على الازعاج ياريس
كلمات سمعتها قبل كده واثرت فيا . هى فعلا بتعبر عن حال الناس فى مصر الناس مبتضحكش بس الملفت ربطها بالريس كأن هو السبب فى ان الناس مبتضحكش !!!
خلينا نفكر شوية فى الكلام ده من غير انفعالات ولا تحيز وبموضوعية شوية ، ابدأ بنفسى انا بطلت اضحك ليه ؟؟؟؟؟؟؟؟؟
- يمكن لأنى مش لاقى شغل كويس فى مجالى اللى درسته ومطلطم يا ولداه هنا وهناك فى القطاع الخاص من غير مزايا تأمينية ولساعات عمل طويلة ده غير انى مهدد فى اى وقت انى ابقى عاطل وصاحب الشغل يستغنى عن خدماتى الجليلة اللى ممكن مليون غيرى يعملو اللى انا بعمله بس بمقابل اقل
- يمكن علشان وصلت السن اللى اكون محتاج فيه ذى اى شاب اتجوز بس متشحطط ومش عارف اجمع مصاريف الشقة و الجواز وتجهيزاته و العفش والدهب وخلافه
- يمكن علشان لما بروح اى مصلحة حكومية بيطلع عين أأأ ...... ( ماعلينا ) علشان اطلع اى ورقة او اخلص ختم
- يمكن علشان بشوف بأم عينى ناس بيتعاملو معاملة مش ادمية من البشاوات والبهاوات افراد الداخلية فى بلدنا العزيز بس مش عزيز عليهم ده عزيز علينا احنا كل مصرى بيحب بلده ونفسه يعمل اى حاجة علشان تبقى احسن بلد فى الدنيا
- يمكن علشان كل مفتح التلفزيون من الملل او الفضا الاقى كل البرامج والمسلسلات والافلام بتتكلم على ناس من كوكب تانى استحالة يكونو من البلد اللى احنا عايشين فيها ، مستويات غريبة وناس عندها عربيات اشكال والوان وعايشين فى قصور، وبيتخانقو على الملايين والشركات و الاسهم فى البورصة . وملاقيش فيها عم ذكى بتاع الفول ( المشهور بذكى قدرة ) وسط الناس دى ، ولا شوارع حاراتنا ولا مدارسنا اللى مفهاش دورات مياه او موجودة ومش موجودة . اقول لنفسى الناس دى بتتكلم على بلد غير بلدنا اللى نسب الفقر فيها نسب قياسية
- يمكن علشان اسعار الاكل والمعيشة بقت اضعاف فى وقت اقل من سنة ولسة عمالة تزيد ، وقتها قلت لنفسى هصرف على نفسى وبيتى لما اتجوز إن شاء الله منين هجيب منين اسرق يعنى ولا امشى فى البطال ولا اشتغل تلات اشغال فى بعض علشان اصرف على بيتى و زوجتى ذى كل اصحابى المتزوجين مبيعملو ...... طيب هو انا ساعتها هحس انى متزوج لما اكون برة البيت طول اليوم وارجع على النوم ومشفش زوجتى إلا لما اقولها صباح الخير او تصبحى على خير
ياااااااااااااااااااااااااااااااااااااااااااااااااااااااااه
كل ده جوة الواحد وساكت ومعبى .. يمكن علشان الاسباب دى كلها انا بطلت اضحك بس لسة بقول الحمد لله حالى احسن من غيرى بس بسأل نفسى هو الناس بطلت تضحك ليه علشان نفس الحاجات اللى خلتنى بطلت اضحك ولا فى سبب تانى ... انا مش لاقى حد يجاوبنى علشان كده بسأل المسؤل عن الرعية ( وكلكم راع ومسؤل عن رعيته ) ..0
كلمات سمعتها قبل كده واثرت فيا . هى فعلا بتعبر عن حال الناس فى مصر الناس مبتضحكش بس الملفت ربطها بالريس كأن هو السبب فى ان الناس مبتضحكش !!!
خلينا نفكر شوية فى الكلام ده من غير انفعالات ولا تحيز وبموضوعية شوية ، ابدأ بنفسى انا بطلت اضحك ليه ؟؟؟؟؟؟؟؟؟
- يمكن لأنى مش لاقى شغل كويس فى مجالى اللى درسته ومطلطم يا ولداه هنا وهناك فى القطاع الخاص من غير مزايا تأمينية ولساعات عمل طويلة ده غير انى مهدد فى اى وقت انى ابقى عاطل وصاحب الشغل يستغنى عن خدماتى الجليلة اللى ممكن مليون غيرى يعملو اللى انا بعمله بس بمقابل اقل
- يمكن علشان وصلت السن اللى اكون محتاج فيه ذى اى شاب اتجوز بس متشحطط ومش عارف اجمع مصاريف الشقة و الجواز وتجهيزاته و العفش والدهب وخلافه
- يمكن علشان لما بروح اى مصلحة حكومية بيطلع عين أأأ ...... ( ماعلينا ) علشان اطلع اى ورقة او اخلص ختم
- يمكن علشان بشوف بأم عينى ناس بيتعاملو معاملة مش ادمية من البشاوات والبهاوات افراد الداخلية فى بلدنا العزيز بس مش عزيز عليهم ده عزيز علينا احنا كل مصرى بيحب بلده ونفسه يعمل اى حاجة علشان تبقى احسن بلد فى الدنيا
- يمكن علشان كل مفتح التلفزيون من الملل او الفضا الاقى كل البرامج والمسلسلات والافلام بتتكلم على ناس من كوكب تانى استحالة يكونو من البلد اللى احنا عايشين فيها ، مستويات غريبة وناس عندها عربيات اشكال والوان وعايشين فى قصور، وبيتخانقو على الملايين والشركات و الاسهم فى البورصة . وملاقيش فيها عم ذكى بتاع الفول ( المشهور بذكى قدرة ) وسط الناس دى ، ولا شوارع حاراتنا ولا مدارسنا اللى مفهاش دورات مياه او موجودة ومش موجودة . اقول لنفسى الناس دى بتتكلم على بلد غير بلدنا اللى نسب الفقر فيها نسب قياسية
- يمكن علشان اسعار الاكل والمعيشة بقت اضعاف فى وقت اقل من سنة ولسة عمالة تزيد ، وقتها قلت لنفسى هصرف على نفسى وبيتى لما اتجوز إن شاء الله منين هجيب منين اسرق يعنى ولا امشى فى البطال ولا اشتغل تلات اشغال فى بعض علشان اصرف على بيتى و زوجتى ذى كل اصحابى المتزوجين مبيعملو ...... طيب هو انا ساعتها هحس انى متزوج لما اكون برة البيت طول اليوم وارجع على النوم ومشفش زوجتى إلا لما اقولها صباح الخير او تصبحى على خير
ياااااااااااااااااااااااااااااااااااااااااااااااااااااااااه
كل ده جوة الواحد وساكت ومعبى .. يمكن علشان الاسباب دى كلها انا بطلت اضحك بس لسة بقول الحمد لله حالى احسن من غيرى بس بسأل نفسى هو الناس بطلت تضحك ليه علشان نفس الحاجات اللى خلتنى بطلت اضحك ولا فى سبب تانى ... انا مش لاقى حد يجاوبنى علشان كده بسأل المسؤل عن الرعية ( وكلكم راع ومسؤل عن رعيته ) ..0
الناس بطلت تضحك ليه ياريس
1 comment:
الناس بطلت تضحك عشان بعدت عن ربنا
Post a Comment